Humigit-kumulang 40 bansa ang nagpulong upang talakayin ang posibleng magkasanib na aksyon para muling buksan ang Strait of Hormuz, matapos itong harangin ng Iran.
Ayon sa Britain, malaki ang magiging epekto sa pandaigdigang ekonomiya kung mananatiling sarado ang nasabing ruta, dahil halos ikalimang bahagi ng suplay ng langis sa mundo ang dumadaan dito.
Hindi dumalo sa pulong ang Estados Unidos. Sa pahayag ni US President Donald Trump, aniya’y responsibilidad na ng ibang bansa na panatilihing bukas ang estratehikong daanan.
Patuloy ang pag-uusap ng mga bansang kalahok upang maiwasan ang posibleng pagtaas ng presyo ng langis at pagkagambala sa pandaigdigang kalakalan.
