IBA, Zambales – Pinangunahan ni Engr. Domingo L. Mariano, Zambales Provincial Government Consultant on Engineering and Infrastructure Development bilang kinatawan ni Zambales Governor Hermogenes Jun Ebdane Jr, ang isinasagawang pagpupulong ng Zambales Maritime Development Council (ZMDC) na ginanap sa Provincial Engineering Office sa bayan ng Iba Zambales ngayong araw ng Miyerkules (Nov.12)
Sa nasabing pagpupulong isa sa mga prayoridad na binuksan ni Mariano ay ang usapin sa kaugnay sa Payao Livelihood Assistance at ang paghahanda sa pagdating ng apat βFishing Vesselβ na binili ng pamahalaang panlalawigan upang magamit ng mga grupo ng mga mangingisda sa buong lalawigan.
Isa pa dito ay ang programa ng gobernador na mabigyan ng insurance ang bawat mangingisda na kabilang o miyembro ng Zambales Provincial Fisherfolks Association.
Ang Zambales Maritime Development Council (ZMDC) ay isang pangunahing institusyon sa lalawigan ng Zambales na itinatag upang pangasiwaan, pangalagaan, at paunlarin ang malawak at mayamang mga yamang-dagat at baybayin ng lalawigan.
Ito ay isang multi-sectoral na konseho na nagsisilbing pinakamataas na policy-making at coordinating body para sa lahat ng mga usapin na may kinalaman sa karagatan at dagat sa Zambales.
Sa madaling salita, ito ang sentralisadong kinatawan na nag-uugnay sa iba’t ibang ahensya ng gobyerno, lokal na pamahalaan, at maging ang pribadong sektor upang magkaisa ang kanilang mga hakbangin para sa isang komprehensibo at epektibong pamamahala ng mga maritime resources.
Ang mga pangunahing layunin nito ang pagpapatupad ng holistic at koordinadong pamamahala sa mga baybayin at karagatan, na isinasaalang-alang ang kapaligiran, ekonomiya, at panlipunang aspekto.
Tulad ng pangangalaga at pagpapanumbalik ng mga marine ecosystem tulad ng mga coral reef, mangrove forest, at seagrass beds.
Pagpapabuti ng kabuhayan ng mga komunidad na nakadepende sa dagat, lalo na ang mga mangingisda, sa pamamagitan ng mga sustainable na proyekto.
Pagtitiyak ng kaligtasan at kaayusan sa mga karagatan ng Zambales, kabilang ang paglaban sa ilegal na pangingisda, smuggling, at pagsisiguro ng kaligtasan ng mga biyahero at mamamayan at ang paghahanda at pagresponde sa mga sakuna at kalamidad na may kinalaman sa dagat, tulad ng oil spills, storm surges, at tsunami.
