Moscow, Russia– Nag-anunsyo ang pamahalaan ng Russia ng pansamantalang pagbabawal sa pagluluwas ng petrol o gasolina simula Abril 1 hanggang Hulyo 31, ayon kay Deputy Prime Minister Alexander Novak.
Ang hakbang ay ginawa sa gitna ng patuloy na kaguluhan sa pandaigdigang merkado ng langis, na konektado sa tumitinding tensyon sa Middle East at pabago-bagong presyo ng krudo sa buong mundo.
Ayon sa mga opisyal ng Russia, layunin ng export ban na patatagin ang suplay ng gasolina sa loob ng bansa, pigilan ang biglaang pagtaas ng presyo, at tugunan ang kakulangan ng fuel sa ilang rehiyon.
Tiniyak naman ng pamahalaan na sapat ang suplay para sa kanilang domestic market habang ipinatutupad ang restriksyon.
Inaasahang magkakaroon ng malawak na epekto ang desisyong ito sa pandaigdigang presyo ng langis, lalo na sa mga bansang umaasa sa imported na krudo, habang patuloy na nagiging sensitibo ang energy market dahil sa mga krisis sa iba’t ibang bahagi ng mundo.
Source:NCC
