APALIT, Pampanga – Isang malawakang operasyon laban sa counterfeit goods ang isinagawa sa lalawigan ng Pampanga, kung saan nakumpiska ng mga awtoridad ang mahigit P216 milyong halaga ng pekeng footwear.
Ang nasabing operasyon ay pinangunahan ng mga operatiba ng CIDG Pampanga kasama ang Apalit Municipal Police Station.
Ayon sa ulat, nagsilbi ang mga pulis ng search warrant sa isang industrial compound sa Brgy. Balucuc, Apalit. Sa loob ng pasilidad, nadiskubre nila ang 181 kahon ng pekeng rubber footwear—mga tsinelas at sapatos na peke ang tatak.
Bukod sa yari nang produkto, narekober din ang 30 sako ng rubber resin—ang hilaw na materyales sa paggawa ng tsinelas—at apat na set ng mabibigat na makinarya na ginagamit sa reproduction ng mga pekeng paninda.
Kinilala ng pulisya ang suspek na nasa likod ng operasyon—isang alyas “Geraldine”—na kasalukuyang pinaghahanap dahil wala sa lugar nang isagawa ang raid.
Mahaharap ang suspek sa kasong paglabag sa Republic Act No. 8293, o ang Intellectual Property Code ng Pilipinas.
Samantala, nakatakda nang dalhin ang mga nakumpiskang produkto sa isang accredited waste management facility upang ligtas na mailihis o masira ayon sa tamang proseso.
Naaktuhan ang mga suspek habang nagsasagawa ng pagmimina at pagkuha ng yamang-mineral nang walang kinakailangang permit, mining rights, o.
