Ibinunyag ng abogado ni dating Ako Bicol Rep. Elizaldy “Zaldy” Co, na si Atty. Ruy Rondain, na handa umanong bumalik sa Pilipinas ang kanyang kliyente kung papayagan itong hospital arrest, house arrest, o makapagpiyansa.
Sa isang panayam, sinabi ni Rondain na takot si Co na ilagay sa general population ng kulungan dahil nanganganib daw ang kanyang buhay:
“And then what? Where are they going to bring him, to the general population detention? He’s going to get shot after the first 30 minutes.”
Ayon pa sa abogado, maaaring pumayag si Co kung masisiguro ng pamahalaan ang kanyang kaligtasan, lalo na’t narinig niya mismo ang sinabi ng Ombudsman:
“If the government can assure his safety. I heard the Ombudsman saying that we will escort him from the tube, bring him to an armored van with body cams the whole time.”
Habang hindi pa malinaw kung papayagan ng Ombudsman o korte ang hirit na special detention arrangement, tumitindi naman ang presyur sa dating kongresista na humarap sa mga kasong plunder, graft, at bribery kaugnay ng flood control scandal.
