OLONGAPO CITY – Nasakote ng mga ahente ng Philippine Drug Enforcement Agency (PDEA) Zambales Provincial Office ang isang drug den sa Barangay Kalalake noong Sabado, dakong ika-8:47 ng gabi(Nobyembre 15).
Ito ay nagresulta ng pagkaka-aresto sa limang suspek at pagkumpiska ng humigit-kumulang Php 54,400.00 na halaga ng shabu sa isinagawang buy-bust operation.
Kinilala ng team leader ng PDEA Zambales ang mga naarestong suspetsado bilang sina:
- Alias BERTO, lalaki, 61 anyos;
- Alias IAN, lalaki, 27 anyos;
- Alias EY-AR, lalaki 42 anyos;
- Alias EDU, lalaki, 33 anyos; at
- Alias JANI, lalaki, 34 anyos.
Kumpiskado ng mga awtoridad ang walong (8) gramo ng pinaghihinalaang shabu na nagkakahalaga ng Php 54,000.00, iba’t-ibang kagamitan sa paggamit ng droga (drug paraphernalia), at ang perang ginamit sa buy-bust.
Ang isinagawang operasyon ay pinagsanib ng mga operatiba sa pangunguna ng PDEA Zambales at ng mga lokal na pulis.
Ang mga nahuling suspek ay nahaharap sa kasong paglabag sa Republic Act 9165, na kilala rin bilang Comprehensive Dangerous Drugs Act of 2002.
