UMABOT sa 2993 pamilya o katumbas ng 8441 na imdibidwal ang inilikas mula sa 13 munisipalidad sa lalawigan ng Zambales ayon sa datos ng Provincial Disaster Risk Reduction and Management Office ( PDDRMO)
Personal na pinangasiwaan ni Zambales Governor Hermogenes Jun Ebdane Jr. katuwang si Zambales Provincial Engineering and Infrastructure Consultant Engr. Domingo Mariano para sa koordinasyon sa 13 munisipalidad upang masiguro ang kaligtasan ng lahat ng Zambaleño mula sa pananalasa ng Super Bagyong Uwan.
Sa pinakahuling datos na isinumite kay Governor Ebdane mula kay PDRRMO head Rolex Estella pinakamaraming inilikas na mga residente mula sa bayan ng Sta. Cruz na aabot sa 976 pamilya o katumbas ng 2622 indibidwal kung saan nakataas ang Signal no. 4 sa lugar.
Sumunod ang munisipalidad ng Botolan na mayroong 834 pamilya inilikas o 2, 056 na indibidwal ang nananatili sa evacuation center.
Habang sa bayan ng Masinloc na mayroong 745 na pamilya o 2371 na indibidwal ang nasa kanilang pangangalaga.
Sa bayan ng Subic ay nasa 174 pamilya o 589 na indibidwal ang nananatili sa evactuaion center.
Samantala sa Cabangan ay nasa 84 pamilya o 285 na indibidwal ang inilikas
Ang Candelaria ay mayroon 83 pamilya o 167 indibidwal na NASA evacuation center, San Narciso 37 pamilya o 134 indibidwal, San Felipe 35 pamilya o 119 na indibidwal , Castillejos 22 pamilya o 69 indibidwal at ang pinakamababsmg bilang ay ang Iba na 5 pamilya ang inilikas.
Wala namang naitalang mga pamllyang inilikas sa tatlong munisipalidad ng San Antonio, San Marcelino at Palauig.
Patuloy naman nakaantabay ang mga tauhan ng PDRRMO, kapulisan, at mga volunteer para sa rescue at relief operations habang patuloy na minomonitor din ang lagay ng panahon at sitwasyon sa buong probinsya.
Kabilang rin ang ilang mga departament heads ng Pamahalaang Panlalawigan ng Zambales sa pagtutok at mabilis na pagresponde upang masigurong ligtas ang lahat at maibalik sa maayos ang mga serbisyong apektado ng kalamidad
